Претседателот на ВМРО-ДПМНЕ Никола Груевски со сопругата Боркица вчера вечер присуствуваше на премиерата на преставата“ Франкенштајн # Алхемија на животот“ која е на режисерката од Бугарија Лилиа Абаџиева, според романот на Мери Шели „Франкенштајн или новиот Прометеј“.
Во преставата играат познати актерски имиња како Игор Стојчевски, Зоран Љутков, Биљана Драгиќевиќ-Пројковска, Благица Димитровска, Филип Трајковиќ, Александар Степанулески, Соња Стамболџиоска, Димитрија Доксевски, Гордана Ендровска и Наталија Теодосиева.
Режисерката Абаџиева е автор и на сценската адаптација, музичката подлога и кореографијата, а сценографијата, костимографијата, мултимедијата се на Васил Абаџиев.
На премиерната изведба присуствуваа повеќе позати личности од политичкиот, уметничкиот свет, од сферата на музиката и театарската критика. Груевски кој не ја пропушти изведбата на оваа театарска сензација, важи за голем почитувач на театарската уметност.