На официјална прес-конференција македонскиот шампион Вардар го најави веруваме историското четвртфинале против Флензбург, а јавноста ја изненади претседателот на клубот Сергеј Самсоненко со изјава која како „бомба“ одекна во ракометните кулоари.
ЕХФ за реваншот во Скопје ги одреди Гјединг и Хансен од Данска, кои ѝ се добро познати на македонската јавност. Самсоненко верува во црни сценарија и фрла сомнеж врз кредибилитетот на делегираните судии:
[kopa_block_quote class=”e.g. kopa-blockquote-1, kopa-blockquote-2″]
„Имаме лоши информации, судиите за реванш меч се од Данска, истите кои пред три години ни судеа против Барселона. Се плашиме од црни сценарија и не ми е јасно зошто тие судии се делегирани кога Флензбург е преполн со дански играчи и има спонзор од Данска.
Сакам да кажам дека ако се случи такво нешто какво што најавувам, јас ќе се повлечам од Вардар. Клубовите нема да ги оставам, но да инвестирам 7 милиони евра годишно е бесмислено. Ќе работиме со млади школи и домашни играчи. По секој пораз и секоја неправда лежам болен по два-три дена, нема повеќе тоа да си го дозволам.“
[/kopa_block_quote]
Првиот натпревар меѓу Вардар и Флензбург се игра во Германија в сабота од 17.00 часот и ќе го судат Крстиќ и Љубиќ, а возвратниот дуел е пет дена подоцна во Скопје.
