МИЦКОСКИ СЕ СРЕТНА СО ЏОЗЕФ ДОЛ: Лидерот на опозицијата се сретна со претседателот на Европската народна партија

  • May 16, 2018

Од страна на претседателот на Европската народна партија, Џозеф Дол беше поздравена и недвосмислено беше искажана поддршка за политиките на ВМРО-ДПМНЕ во Македонија.

Претседателот на ВМРО-ДПМНЕ, Христијан Мицкоски, во рамките на самитот на Европската народна партија оствари средба со Џозеф Дол, претседателот на ЕПП.

На состанокот Мицкоски го информираше претседателот на Европската Народна Партија, господинот Дол, за актуелните случувања во Република Македонија, за тешката економска ситуација во која што се наоѓа нашата земја, за негативните резултати кои што ги постигнува нашата земја, за отсуството на реформи.

Претседателот на ВМРО-ДПМНЕ Христијан Мицкоски ја пренесе својата загриженост за лошиот правец во кој се движи државата на економски и политички план. Слабеењето на економскиот стандард, политичкиот терор како и поделбите во општеството ги уназадуваат демократските капацитети на државата. Имаме една година на исклучително лошо владеење во кое граѓаните живеат полошо и ситуацијата е без изгледа за подобрување.

-Токму затоа ВМРО-ДПМНЕ планира и голем протестен собир на кој ќе се изрази револт од катастрофалното владеење, но и ќе биде преставена понуда и решенија за излез од ваквата состојба, но очекуваме и недвосмилена поддршка од сестринските партии и Европската народна партија, посочи на средбата претседателот на ВМРО-ДПМНЕ Христијан Мицкоски.

Претседателот Мицкоски ја потенцираше улогата на ВМРО-ДПМНЕ во процесот на креирање на реформските закони, каде што ВМРО-ДПМНЕ влијаеше на подобрување на тие законски решенија, а раководејќи се од интересот на граѓаните и запазувајќија европската перспектива на државата.

Од страна на претседателот на Европската народна партија, Џозеф Дол беше поздравена и недвосмислено беше искажана поддршка за политиките на ВМРО-ДПМНЕ во Македонија.

Претходно «
Следно »