ЧЛЕНСТВОТО НА ВМРО-ДПМНЕ ЌЕ СЕ АЖУРИРА: ИК на ВМРО-ДПМНЕ донесе одлука за ажурирање на членството

  • January 21, 2018

Извршниот Комитет на ВМРО-ДПМНЕ денес одржа седница на која биле разгледани и се расправало за повеќе точки.

Од партијата соопштуваат дека ИК на ВМРО-ДПМНЕ констатирал дека државата се води во погрешна насока и на политички и на економски план, за што главен виновник е актуелната Влада предводена од СДСМ.

-Погрешните политики и безидејноста на Владата на СДСМ, резултираат со влошување на ситуацијата во државата при што се загрозени владеењето на правото и демократијата, а се практикува и реваншизам кон неистомислениците, вршејќи политички терор врз нив. Недостатокот на визијата од страна на СДСМ за економски силна и стабилна држава, пак резултира со драстично влошување на економската состојба и негативен импакт на сите економски параметри во нашата држава, кои крајно резултираат со секојдневно, драстично осиромашување и безмилосно задолжување на граѓаните на Република Македонија, стои во соопштението од партијата.

Воедно, Извршниот Комитет на ВМРО-ДПМНЕ донесе одлука за формирање на работна група за ажурирање на членството на ВМРО-ДПМНЕ составена од членови на Извршниот Комитет, кои во наредниот период ќе треба да предложат методологија која ќе биде усвоена од страна на Извршниот Комитет на ВМРО-ДПМНЕ и веднаш потоа ќе отпочне со ажурирање на членството.

Претходно «
Следно »