Лет на „Ер Азија“ принудно слетал на аеродромот во Перт, Австралија кратко по полетувањето откако во кабината слушнале силна експлозија и силни вибрации предизвикани од технички проблем со моторот. Оваа бизарна ситуација наречена „машина за перење“ е снимена од патниците на летот
Авионот Ербас А300 летал од Перт до Куала Лупмпур, а полетал некаде околу 7 часот утрината по локално време, а само по еден час лет еден од моторите на левото крило претрпел сериозни проблеми по што започнало тресењето на авионот.
„Капетанот рече дека се надева дека сите ќе кажеме молитва; И јас ќе кажам молитва и да се надеваме дека сите ќе се вратиме дома безбедно“, изјавила патничката Софи Николас, пренесува „ВА Тудеј“.
Australia 2 Malaysia.airplane fan blade went missing. Pls pray for my sister which onboard @AirAsia do something please! @tonyfernandes 😭😭😭 pic.twitter.com/9X99pO6S5z
— Haji Akil (@haji_akil) June 25, 2017
„Во суштина моторот престана да работи, барем тоа е она што ни го кажаа“, рекол патникот Брент Аткинсон за „Еј-Би-Си Њуз“.
„Беше како да седите на машина за перење алишта. Атмосферата беше тензична, но авионскиот екипаж добро се справи со стиуацијата…по експозијата авионот почна да се тресе, да потскокнува, но на крајот капетанот добро си ја заврши работата“ – заклучува Аткинсон.
Во авионот се превезувале вкупно 359 патници, слетал безбедно на Перт Интернешнл во 10 часот по локално време, само три часа од полетувањето.
