Помал патнички авион во кој имало пет лица, се забил во куќа кратко пред полетувањето северно од Манила во саботата, јавуваат светските медиуми.
Во несреќата загинале сите луѓе во авионот и уште пет лица на земја, објавиле властите. Авионот “Piper-23 Apache” полетал од аеродромот во градот Пларидела и кратко потоа се забил во куќа во близина на Манила.
Несреќата предизвикала пожар во која изгорела куќата, а уште две лица биле повредени, објавила полицијата. Причината за несреќата не е утврдена, а сведоците изјавиле дека авионот удрил во електричен столб пред да се забие во куќата.
На интернет биле објавени фотографии кои ги прикажуваат остатоците од авионот, урнатата куќа и чадот кој се проширил по несреќата.
Портпаролот на филипинското цивилно воздухопловство, Ерик Аполонио, изјавил дека авионот на компанијата “Lite Air Express” бил на пат кон градот Лаоаг.