СДС се задолжува само за да ја покријат сопствената неспособност за креирање нормални услови за раст на економијата, се вели во реакција на ВМРО-ДПМНЕ на соопштение на СДСМ.
-За 4 месеци, Тевдовски успеа да направи пустош во македонската економија, а државата ја задолжи за половина милијарда евра. Тој секојдневно ја движи македонската економија кон еден огромен амбис и банкрот на државата, се вели во реакцијата на ВМРО-ДПМНЕ.
Од партијата велат дека СДС се свесни дека не можат да му парираат на ВМРО-ДПМНЕ кога се во прашање проекти, економија, намалување на невработеност.
-Затоа мора да измислува и фабрикува лаги и да ја манипулира јавноста, наметнувајќи теми кои пред избори треба да го оттргнат вниманието на граѓаните од понудата на партиите и кандидатите за градоначалници, се вели во реакцијата.