Скандал во Бигорскиот манастир при посетата на манастирот на делегацијата на Република Бугарија која ја предводеше бугарскиот претседател Румен Радев, монасите од Бигорски на тронот во манастирот го седнале митрополитот од Пловдив, Николај.
Иако Николај доаѓа од црква која не ја признава МПЦ и не сослужува со нашата црква, игуменот Партениј му го отстапил тронот на бугарскиот митрополит, кој гордо и исправено им мавта на македонските монаси додека тие поданички му пеат.
Православната традиција вели дека на тронот треба да седне или игуменот кој го води манастирот или митрополитот во чија област е манастирот или пак поглаварот на црквата. Во нашиот случај седнува човек кој воопшто не ја признава МПЦ.
Веднаш до Николај, за време на службата стоеше бугарскиот претседател Румен Радев.
