На денешната седница Заев разреши неколку директори на институции и на нивно место веднаш назначи нови.
За нов директор на Службен весник е назначен Мартин Костовски, (кој во алкохолизирана состојба нападна двајца трактористи кои беа дел од протестите на граѓанската иницијатива „За заедничка Македонија“) а разрешен е в.д. директорот Лука Кржалоски.
Нов директор е именуван и на Државниот архив каде е назначен Кирил Петров на местото на досегашниот директор Филип Петровски, кој е разрешен од функцијата додека е на годишен одмор .
За нов директор на Државниот завод за статистика е назначен Апостол Симовски, кој доаѓа на местото на разрешената директорка Лидија Костовска.
Во Агенцијата за администрација за нов директор е именуван Спасе Глигоров(член на ИО на СДСМ) на местото на разрешената директорка Жаклина Николовска.
На денешната владина седница разрешен од должноста портпарол на Владата е Александар Ѓоргиев.
Смени има и во Агенцијата за млади и спорт каде за нов вршител на должноста директор е именуван Дарко Каевски, а разрешен е досегашниот в.д. директор Марјан Спасески.