Дренот е листопадна грмушка со среден или висок раст и до 5 метри.
Кората од стеблото е сивкаста, лисјата јајчести благо накривени со карактеристични јаки жили. Цветовите на дренот имаат жолта боја и цветаат во рана пролет. Плодот е со овален облик и црвена боја. Дренот поволно делува на слузокожата на цревата, за лечење на дијареа и други цревни заболувања. Од плодот се прави сок од дренки и мармалад кој е особено корисен за децата.
Леската спаѓа во родот на листопадни дрвја и големи грмушки и достигнува висина до 5 метри.
Листовите се заоблени со назабени врвови, а цветовите во форма на пупка или реси кои излегуваат напролет пред разлистувањето. Плодот е лешник во твда обвивка. Леската расте на влажни места покрај шуми и на повисока надморска височина. Во народната медицина како лек се користат сувите лисја, кората и плодот од леската. Чајот од леска се употребува за лекување на зголемена простата, ја подобрува циркулацијата на крвта, за лекување на проширени вени, хемороиди и дијареа.
Дабот е многугодишно дрво, високо и до 30 метри, има спирално распоредени листови, а цветовите имаат облик на реси.
Плодот е желад сместен во чашичка со по една семка. Расте во шуми и на поголема надморска височина. Како лек во народната медицина се користи исушената кора и листот. Чајот од даб се користи против воспаление и инфекции на мочните патишта, за заболување на слузокожата во устата и грлото, против крварење од матка и хемороиди, се користи и при лекување на рани и егземи и против дијареа.
