Военобезбедносната агенција (ВБА)на Србија запленила голема количина на оружје на југот од Србија , кое илегално требало да се транспортира во Македонија, а се претпоставува дека било наменето за странска инфраструктура на најголемите албански партии чии функционери учествуваа во вооружените судири во Македонија и во Косово, пишува Блиц, повикувајќи се на извори од ВБА.
Според изворите, минатата недела запленети се неколку илјади пушки, митролези, минофрлачи и рачни бомби, кои припадниците на ВБА ги откриле во близина на Прешево и Бујановац, додека еден странски државјанин и двајца државјани на Србија со албанска националност се обидувале преку илегални канали да се префрлат во Македонија.
“Станува збор за големо количество на оружје кое очигледно било наменето за употреба во распламтување на судири во Македонија и предизвикување инциденти, наведува изворот за Блиц.
Изворот додава дека пешадиското вооружување требало да послужи дури и за евентуалното превземање насилно на власта во Македонија.
Изворот наведува дека оваа акција била составен дел од активностите на ВБА но и од останатите безбедносни служби кои се во рамките на зголемените мерки за безбедност по наредба на државниот врв, своите дејствувања и контоли ги подигнаа на највисоко ниво.
Акцијата е извршена во најголема тајност, но за неа се известени началникот на ВБА и државниот врв, кој, како што се наведува, оцениле дека е подобро оваа информација да не оди во јавност.
“Премиерот Вучиќ сметал дека оваа информација за запленување на толкаво огромно количество оружје наменето за Македонија , може да послужи на некого за долевање на масло на огнот, во и онака кревката политичка состојба во Македонија“ вели изворот за Блиц.
Воедно се додава дека за целокупните активности се известени македонските надлежни служби.
“Истовремено ВБА забележала зголемена раздвиженост на припадниците од албанското национално малцинство од подрачјето на Прешево и Бујановац кон Македонија во предходните денови. Слична состојба е забележана и со албанците од Косово и тоа на оние кои се познати како поранешни припадници на УЧК“ додава соговорникот на Блиц.
Веројатно заради пресретнување на планот, Заев остро го нападна Вучиќ дека бил националист.
