March 19, 2024, 11:39 am

ЗОРАН ПЕЈКОВСКИ: Не за антиуставната Тиранско-Косовска платформа!

Поврзано

- Advertisement -
- Advertisement -

zoran-pejkovskiПовеќе од 40 дена на Македонците им се нуди антиуставна Тиранско-косовска платформа, со која, всушност, се сака да се реализира дамнешната желба на радикалните Албанци, а тоа е Илирида, или уште појасно, Голема Албанија. Е оваа желба, овој сон им помага да им се оствари, еретикот, антихристот, антимакедонецот Зоран Заев.

Деновиве многу Македонци ме застануваат на улиците, и ми велат, доста е од ова што ни го наметна една политичко-криминална структура. Сега дојде моментот да се каже доста е, и да им се застане на патот на малцинските јуришници, кои, заедно со домашните предавници и непријатели, ни нудат антиуставна Тиранско-косовска платформа, оти и самите тие признаваат дека Македонија сакаат да ја направат бинационална, а потоа да ја распарчат, да ја уништат, да ја изгазат, а ние како Македонци потоа, едноставно, да исчезнеме.
Тие што се свесни за таквата судбина на Република Македонија, која ја кројат непријателите на Република Македонија, секојдневно се на браникот на Република Македонија, и им благодарам за тоа. Но, оние кои не се свесни ги жалат, и им порачуваат да не си го лажат умот, оти тоа, овој народ кој секојдневно е сѐ поприсутен, нема да го дозволи тоа. Затоа редно е да знаат и да сфатат, оние обратните дека ќе завршат како најголеми губитници и отпадници на ѓубриштето на историјата. Зарем сите тие, оние обратните, сакаат нивните деца, нивните наследници да ги пизмат, на овој, и на оној свет?!
Ова е Република Македонија, ова е наша единствена Татковина, и таа како таква ќе остане, оти народот нема да дозволи менување на Уставот на Република Македонија, нема да дозволи федерализација, кантонизација, двојазичност, менување на парите, нема да дозволи РЕДЕФИНИРАЊЕ на Македонија и сето она што си го имаат зацртано во платформата.
Се разбира, овој народ никогаш, ама баш никогаш, нема да дозволи да се менуваат името, идентитетот, интегритетот, унитарноста и сето она што ја прави Македонија да биде Македонија. Македонија никој нема да ја даде, а најмалку ќе им дозволат некому да се пазари со македонските вредности.
Трагично е што се дозволи аболицирани криминалци, терористи и разни багри да кажуваат дека треба Република Македонија да биде поделена, распарчена, уништена. Е затоа ја продадоа Македонија.
Народот сѐ повеќе гледа дека Зоран Заев, за да си ја спаси кожата, им ја продаде Македонија, па ако сакате, и на албанската мафија. А тоа не смее да се заборави.
Не смее да се заборави на Чаушот, член на СДС, кој беше фотографиран со Заев во неговата канцеларија, не смее да се заборави Харун Хаџибулиќ, за кого е распишана меѓународна потерница за помагање во убиство, пријател и соработник на Заев, не смее да се заборави Сеад Рахиќ, член на СДС и пријател и соработник на Заев, кој е фатен со дрога, не смее да се заборави неодамнешната акција на полицијата во Арачиново, во која го привела братот на претседателот на Општинската организација на СДС во Арачиново, кој, заедно со својата криминална група, продавале хероин и кокаин низ Македонија, не смее да се заборави неодамнешниот откриен нарко-криминалец во Тетово и претседател и активист на Општинската организација на СДС во Тетово, фотографиран со Петре Шилегов, итн, итн. Ова се само дел од криминалните групации кои се присутни во СДС.
Не смее да се заборави никој кој ѝ посакува ЗЛО на Република Македонија.
Е, затоа Македонците, оние вистинските патриоти кои се собираат во четириесетина градови во државата, нема да им го овозможат тоа задоволство на непријателите на Република Македонија. Всушност, тие порачуваат дека бадијала се заортачиле со сите тие криминални структури за да ја уништат Македонија, оти Македонија не е лесен залак. Тие нема да дозволат редефинирање на државата, нема да дозволат да се направи Косово во Македонија, бидејќи системот и стилот на работа им е ист! Почнаа да ги уништуваат православните гробишта, да палат цркви и манастири, односно да го прават сето она што го прават безбожниците. А Заев, и сличните на него само им помагаат и ја втурнуваат државата во нова 2001 година.
Сите овие криминалци, апаши и терористи бараат од Македонецот да ја наведне главата и да молчи, да им ја препушти државата на таквите како нив и да прават што сакаат со Македонија.
Е, ова нема да им се исполни. Народот не заборава какви сѐ злодела се направени врз Македонците и Македонија. Македонија отсекогаш била мултиетничка оти тука живеат и Турци, Роми, Срби, Хрвати, Бошњаци, Власи, Евреи и разни други етникуми, па нема да се фаворизира еден етникум на штета на другите етникуми кои живеат со нас.
Згора на сето ова е и фактот дека во Тиранско-косовската платформа се бара осудување за геноцид врз Албанците. Очигледно е дека некому не му е јасно што значи тоа. Тоа значи закрвавување со соседите од Република Србија, со братскиот православен народ. Мене ме разочаруваат борците од НОБ кои се сокриваат во глувчешки дупки, што не излезат на страната на вистината и не кажат дека така не е. Во Македонија немало геноцид врз Албанците, ниту пред 1940, ниту по 1940 година, оти ако тоа не го направат, тогаш тие ја носат вината за нивната борба за ослободување на Македонија. Но, тие се шетаа со шарените, им даваа легитимитет, да не го заборавиме тоа. Мојот дедо, кој беше борец, сега се превртува во гробот од ваквите квази народноослободителни борци, оти по сѐ се чини дека од борците останаа само оние кои се криеле под јорган планина и со двајца сведоци ги уживаа благодетите. Треба да се срамат сите тие.
Овие се факти, а пред фактите и боговите молчат. Изродите македонски ја уриваат државата, тие ја разнебитуваат и ја продаваат за туѓи интереси. Но нека не заборават, има Бог, има божја казна, ако не тие, нивните деца ќе плаќаат за гревовите. А тоа не е ни малку за потценување. Секој ќе го стигне божјата казна кој се обидел или се обидува да ја обеспокои Република Македонија. Верувајте ми.
Цивилизираниот однос на Македонецот, добрината и благородноста што ја носи во себе, ја доведоа Република Македонија до ова дереџе. Македонецот постојано бил угнетуван, газен, понижуван, истребуван, раселуван. Постојано Македонецот страдал, обидувајќи се со добар збор, добра мисла, благородна душа да ги решава сите ситуации низ кои минуваше.
Е, сега рече доста е! На сите им е преку глава од нанесените неправди и излезе јавно, храбро и смело да им покаже на непријателите дека овој македонски народ е силен и подготвен да ги брани интересите на Република Македонија. Сега одлучи да покаже заби и да рече доста нѐ угнетувавте, нѐ газевте, нѐ понижувавте. Овој народ им даде прст на оние кои не ни заслужуваат обичен нокот, а тие цела рака им ја бараат. Па дури и да им ја отсечат за да ја присвојат.
Овој народ виде и самиот дека дојде Хан, дојдоа мачкари, кучкари, дојдоа разни белосветски проститутки, и каква сѐ неевропски багри, за да им кажуваат дека нивната агенда е преку грбот на Македонецот да се направи Голема Албанија, да се прави ново Косово во Македонија.
Е, на кое дереџе дојде народот, баграта да кажува, да ја уредува државата, да го менува Уставот, па и да советува дека нема да бидеме Македонци.
Наместо да бидат прогласени како непожелни, да им забрани влез во Македонија, и да шетаат низ неа, им се дозволува да им се качат врз глава на народот.
Е, затоа Македонецот излезе да си ја брани сопствената држава.
Сега ги има 250.000, но ќе ги има и 500.000, а, богами, ќе ги има и 800.000 или еден милион, кои ќе застанат зад интересите на сопствената држава, оти народот е освестен, ги виде желбите на политичко-криминалните структури и белосветските багри. Затоа на таквите багри, едноставно, им велат, надвор.
Затоа народот вели ајде на избори, па да се види колку ќе ја прифатат Тиранско-косовската платформа компонирана и потпишана кај Еди Рама и Хашим Тачи! Затоа народот вели ајде да се прави попис, па да се види колку Албанци има во Македонија. Народот не заборава дека во 1994 година на Албанците од Косово дадени им се 150.000 државјанства за да гласаат за СДС и Киро Глигоров. Народот знае дека таа структура го смени името на Република Македонија во БЈРМ, го смени знамето, ја направи територијалната поделба, па сега и цела Македонија сака да им ја даде на Албанците и криминалците само да дојдат повторно на власт.
Ова јасно укажува дека играта за разнебитување на Македонија, помогната од СДС, не е од вчера. Е, затоа народот се разбуди и излезе да ја брани сопствената држава, и сега нема назад. Овој народ нема да се повлече, па да им ја остави државата на оние кои не ѝ сакаат добро.
Затоа само ќе го повторам претходното кое го порача народот, а тоа е дека има Бог, ама има и божја казна, ако не тие, тогаш нивните деца, нивните поколенија ќе ги плаќаат гревовите. А од тоа треба да се плашат сите оние кои ја уриваат, ја разнебитуваат, ја продаваат за туѓи интереси и ја обеспокојуваат Република Македонија. Верувајте ми.

Почесен амбасадор на мирот,
Зоран Пејковски

1 коментар

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This