Иванка Трамп , ќерката на американскиот претседател Доналд Трамп, ја посети Ајова каде разговараше за плановите на својот татко за вложување во инфраструктурата. Иванка позира како научник, но тие фотографии наидоа на многу шеги.
Иванка зборувала околу финансирањето за обуките за работа и објавила неколку фотографии на Инстаграм. Таа го посети АПЕКС центарот во Ајова, каде учествувала во неколку експерименти.
Според пишувањата на Бизнис Инсајдер, Иванка била воодушевена што можела да почувствува како изгледа да се извршува оваа работа.
“Ова е одлично, да се биде на вакво “кул” место. Мислам дека нема брзо да си заминеме”, рекла Иванка.
Ќерката на Трамп го облекла мантилот, ракавицита и заштитните очила и позирала како научник.
Фотографиите од Иванка многу брзо се прошириле на социјалните мрежи, со кои некој добро се пошегуваа, а другите биле навредени.
“Здраво Иванка, супер е тоа што позираш како научник на Инстаграм, но некој од нас навистина сме. Кажи ни што правиш на таа фотографија. Јас правам батерија”, напишала една жена.
