Веќе неколку недели по ред до нашата редакција стигнуваат низа реакции од карпошани за проблемот со неиспразнетите контејнери ширум општината. Според нашите информации граѓаните во повеќе наврати реагирале и до новопечениот градоначалник на Карпош, Стефан Богоевски, но најверојатно поради презафатеноста со организирањето на својата свадба тој целосно заборавил на своите професионални обврски.
И покрај презафатеноста со организирањето на неговата свадба тој сепак пронаоѓа доволно време за да се појави на телевизија и не пропушта ниту една ТВ дебата ниту пак интервју или изјава за медиумите. Сепак проблемот на карпошани е реален општината се дави во ѓубре, а службите не реагираат. Контејнерите се преполни, а ѓубрето кое не го собира во контејнерите се наоѓа по улиците и тротоарите. Да се потсетиме дека во урбаната општина во 21 век во едно од локалните училишта се појави шуга од која две деца беа заразени. За појавата на ваквите болести најважна е хигиената како лична така и чистотата на животната средина. Дали во општината треба да се појави ебола за Богац конечно да реагира?
