Засега нема информации кој од лидерите ќе се појави на средба кај шефот на државата. Никој досега не потврдил ниту ја откажал лидерска средба кај шефот на државата.
Претседателот Ѓорге Иванов за денеска повика на лидерска средба која има за цел смирување на состојбата по вчерашните случувања во Собранието и нередите што се случија откако СДСМ и албанските партии надвор од сите процедури и на диво го избраа Талат Џафери за т.н. претседател на Собранието.
Засега нема информации кој од лидерите ќе се појави на средба кај шефот на државата. Никој досега не потврдил ниту ја откажал лидерска средба кај шефот на државата.
Иванов доцна синоќа во своето обраќање апелираше на смиреност и на воздржаност.
– Ве повикувам да останете присебни и да не подлегнувате на разни провокации, лажни вести и манипулации. Повикувам на смирување на тензиите и на ненасилство. Повикувам на разумно и одговорно однесување. Повикувам на одговорно однесување на сите надлежни институции кои мора да ги почитуваат Уставот и законите на Република Македонија. Пратениците се најодговорни за враќање на состојбата во согласност со Уставот, законите и Деловникот на Собранието на Република Македонија, кои денеска беа прекршени. Секој треба да биде одговорен за своите постапки и свесен за последиците што произлегуваат од нив – рече Иванов.
