Министерството за образование и наука распишало оглас за вработување на помлад соработник во секторот за Јавни набавки на оваа институција. Во „посебните услови“ е наведено дека се бара лице кое поседува 6Б квалификации од правните науки, политичките науки или кинезиологија.
Се поставува прашањето која е потребата во секторот за јавни набавки да се вработи кинезиолог, ако се знае дека кинезиологија е наука за движењето, а се опишува како дополнителна или алтернативна терапија која, при следењето на мускулите, се обидува да ја пронајде причината за нерамнотежата во телото.
Постои и кинези масажа со која го ослободува телото од стрес. Најчесто се користи при здравствени проблеми, како што се стрес, заболувања на мускулите, проблеми со исхраната, емоционални проблеми, тешкотии со учењето и однесувањето. Оваа наука се фокусира на неоткриените реакции на стресот и користење на одредени техники, со цел да му помогне на телото само да се опорави. Кинезиологија се базира на древната кинеска теорија на акупунктура и чи енергија, од каде ги влече своите корени.
Извор
Лидер.мк
