Критиката на Рекс Тилерсон во Етиопија за кинеската политика во Африка е несоодветна, вели рускиот министер за надворешни работи Сергеј Лавров. Од Зимбабве, Лавров го критикуваше САД за мешање во работите на другите земји, следејќи ги нео-империјалистичките амбиции.
“Не знаев дека американскиот државен секретар Рекс Тилерсон е специјалист во кинеско-американските односи”, рече Лавров откако се состана со претседателот на Зимбабве Емерсон Монанггава во Хараре. Тој додаде дека “не е соодветно” Тилерсон да зборува за односите на Африка со други земји, додека е гостин на континентот – особено не на таков “негативен начин”.
Лавров ја даде својата изјава речиси во исто време, додека неговиот американски колега беше на околу 3.000 километри подалеку на север – каде што ги предупреди Африканците за влијанието на Кина. Тој ги повика африканските земји внимателно да ги земат предвид придобивките од кинеските заеми на прес-конференцијата во главниот град Етиопија, Адис Абеба, за време на неговото прво дипломатско патување кон континентот.
“Ние во никој случај не се обидуваме да ги одалечиме кинеските долари од Африка”, рече тој.
Со мешање во внатрешните работи на другите земји, САД се чини дека се стремат кон “нео-империјалистички” амбиции, рече Лавров. “Ние не го делиме таквиот пристап. Сметам дека тоа е “нео-империјалистички”. И ние никогаш нема да поддржиме вакви политики “, додаде тој.
Лавов додаде дека Русија “никогаш не се меша во работите на другите земји, и покрај тоа што Вашингтон и другите западни земји секојдневно го тврдат спротивно”. Тој, сепак, истакна дека ” не постои ниту еден факт за тоа”.
Во меѓувреме, Лавров ги негираше тврдењата на американскиот Стејт Департмент за отсуството на разговори меѓу САД и Русија за можна средба помеѓу него и државниот секретар.
“Не сакав да коментирам на оваа тема, но денес американскиот Стејт Департмент изјави дека немало дискусии за можен состанок со Тилерсон. Можам да кажам дека ова е неточно “, рече тој.
