Денеска истекува рокот кога претседателот на Република Македонија Ѓорге Иванов треба да го довери мандатот за формирање влада. Во врска со тоа, и со изјавата на Груевски во интервјуто за „Дневник“ дека „Ако ВМРО-ДПМНЕ како победничка партија биде изиграна од ДУИ, независно кои ќе бидат причините за тоа, бидете убедени дека наскоро, ВМРО-ДПМНЕ ќе се врати на голема врата во владата и тоа најмалку два мандата по ред. И ќе бидеме без каква било обврска при составувањето на владата.“, свој коментар даде и новинарот Миленко Неделковски кој истакна дека опстанокот на ДУИ, односно на политичкото крило на УЧК зависи од ВМРО.
„Следнава Влада не е бити-или-не-бити за ВМРО! Туку за ДУИ?!
Без ВМРО, ДУИ на следни локални ќе нема градоначалници. На пример во Тетово.
Без ВМРО, ДУИ не може да добие толку министерства и функции како досега?! Оти и Беса и Сеља ќе сакаат дел.
Без ВМРО, ДУИ преку ноќ ќе згасне. Радикалите ќе им заминат во БЕСА, другите во СДС.
Бед карма е опстанокот на политичкото крило на УЧК да зависи од ВМРО. Бед карма…“, напиша Неделковски.