Егејска Македонија (уште и Приморска или Беломорска Македонија) — дел од регионот Македонија, а денес е во состав на Република Грција. Претставува најголем регион во денешна Република Грција според површина и втор регион според број на население. Грците овој дел го нарекуваат едноставно Македонија (грчки: Μακεδονία), бидејќи сметаат дека тоа е единствениот ентитет кој има право да го носи името Македонија. Ова е една од причините за грчко-македонскиот спор околу името на Република Македонија.
Егејска Македонија зафаќа околу 34.356 км² или околу 51% од територијата на регионот Македонија. На запад се граничи со Албанија преку планините Грамошта (Грамос) и Корбец (Трикларио), на југ и југозапад оградена од планините Пинд и Олимп се граничи со грчката област Тесалија, на југоисток излегува на Егејското Море, на исток преку реката Места се граничи со областа Тракија, а на север се граничи со Република Македонија (Вардарска Македонија) и Бугарија (Пиринска Македонија).
Ова се сите 1536 македонски имиња на населени места во Егејска Македонија кои во минатото биле преименувани во грчки..
http://makedonija.name/map/aegean-macedonia
