Пред неколку дена пред седиштето на Европската комисија група радикални албанци се собраа да му дадат поддршка на Зијадин Села, извикувајќи „Груевски во затвор“. Иако паролите веќе се добро позната желба на сите оние кои работат против Р.Македонија, она што загрижува е што предводникот на протестите е Македонски дипломат кој работи во Македонската амбасада во НАТО
„Дипломатот“ инаку е поставен од министерот за одбрана Зоран Јолевски, а по неколкугодишни кавги со МНР на Тирон Јајага му издава и дипломатски пасош, спротивно на правилниците на МНР во кои стои дека македонски дипломат не смее да има друг пасош освен Македонски. Јајага, кој ги предводи протестите поседува и Американски пасош.
Освен ова, Јајага е и висок член на раководството на партијата на Села „Движење за реформи на ДПА“, што исто така е спротивно на одредбите од правилниците на МНР.
Освен веќе слушнатите пароли против лидерот на ВМРО-ДПМНЕ, на протестот Јајага извикувал и „Илирида, Илирида“, биле истакнати и карти на голема Албанија. За ваквите прекршувања ниту МО ниту МНР немаат покренато дисциплинска постапка.
Информациите пак за протестот, ги пренесува т.н. агенција „Илирија Њуз“.
