До редакцијата на „Инфомакс“ пристигна молба од Даниел Пиљаковски, кој вели дека е запрепастен од фактот што неговото име е ставено како автор на дел од стихозбирките во скандалозното издание на Агенцијата за млади и спорт
Пиљаковски вели дека некој сака да го намести и вината за скандалот да ја префрли врз него, иако тој нема никаков придонес во оваа стихозбирка на АМС. Тој тврди дека идентитетот му бил злоупотребен од Александар Блажевски.
„Денес бев запрепастен и крајно разочаран од сознанието дека моето име го има насекаде по социјалните мрежи и интернет страници поради недолични и вулгарни песни објавени во збирката на песни од страна на Агенција за млади и спорт. Крајно одрекувам дека сум автор на тие песни. Мојот идентитет е злоупотребен од страна на Александар Блажевски. Ве молам да ми помогнете во разјаснување на овај случај, бидеќи ми создава проблеми.“ – стои во реакцијата на Пиљаковски, додавајќи дека тој никогаш не се занимавал со поезија.
