Граѓаните на социјалните мрежи масовно постираат слики од општини од Западна Македонија каде не се почитуваат ниту сегашните законски регулативи во државата по однос на употребата на македонскиот јазик. На фотографиите може да се забележат голем број на примери каде имињата на општините најпрвин се напишани на Албански, а потоа на Македонски јазик, а во некои општини македонскиот јазик воопшто не се употребува.
На социјалните мрежи се напоменуваат и голем број на примери каде Македонците во мнозинските албански општини не можат кон јавната администрација да се обратат на македонски и се целосно дискримирани.
Во текот на вчерашната емисија Само Вистина на Канал 5 поранешниот претседател на Уставниот суд во Македонија истакна дека треба да се оди на гласање на нов закон, бидејќи има голем број пропусти при носењето на законот и фазата за објавување на Законот во Службен весник е испуштена. Тој единствено излезот од целата ситуација го гледа во донесување на нов закон кој ќе биде усогласен помеѓу сите чинители и што е најважно со опозицијата.
