Наспроти очекувањата на сите релевантни извори, Прилеп доби нов градоначалник во ликот на Илија Јовановски и тоа рано изутринава кога водството на Марјан Ристевски ненадејно се стопи во порази победа за СДС
Денес, очекувано победниците славеа. Секој на свој начин, а новиот прилепски градоначалник славеше со своите најблиски соработници и најзаслужните за неговата победа.
Како што може да се види од фотографијата објавена на неговиот ФБ профил, на заедничка маса новиот градоначалник од СДС победата ја слави со нововработените и промовирани полицајци и инспектори во МВР.
Лево од новиот градоначалник е пратеникот Хари Локвенец. До Локвенец може да се забележи и Тони Лукаровски инаку советник на Оливер Спасовски, а до него пак началничката на НККР Емилија Велкоска.
Со исклучок на Лукаровски и Велкоска, сите останати на масата се полицајци вработени во ПС Прилеп, кои во текот на вчерашниот ден ја добија најголемата заслуга за победата на Јовановски.
Живот за сите, освен за тие што не се со членска.
