Очигледно СДСМ има намера сите криминалци во земјава да ги претстави како жртви во јавноста. Откако денес беше донесена скандалозната одлука да бидат ослободени осудените во случајот „Монструм“, вечерва во „Топ-тема“ гостува познатиот овчар Иснифарис Џемаили каде зборува за неговиот случај од 2001 година и затворската казна која му беше изречена во 2008 година.
Само за потсетување, овчарот Џемаили беше осуден на казна-затвор од три и пол години, одлука донесена во 2008 година.
Познатиот овчар беше осуден бидејќи ја измами државата наплаќајки и 720 илјади евра за наводно гранатирано бачило во 2001 година. Интересно е што тој по изрекување на пресудата мистериозно исчезна од земјава, но по 2 години сам се пријави во КПУ Идризово за да ја издржува затворската казна.
Од Основниот суд Скопје 1 тогаш објаснуваа дека затворската казна на осудениот на неколку пати била прекинувана поради неговата влошена здравствена состојба, по што тој бил пратен на лекување. Со оглед на тоа што Џемаили не се јавувал кај надлежниот судија бил донесен налог за негово приведување.
