ОД НОЌЕСКА НА ПОЛНОЌ ПОЕФТИНУВААТ БЕНЗИНИТЕ И ДИЗЕЛОТ: Малопродажните цени на бензините и на дизелот од ноќеска на полноќ се намалуваат за три денари од литар

Малопродажните цени на бензините и на дизелот од ноќеска на полноќ се намалуваат за три денари од литар.

Според oдлуката на Регулаторната комисија за енергетика, „евросупер БС – 95“ ќе се продава по 60 денари за литар, „евросупер БС-98“ за 62 денари, „евродизелот“ за 47 денари и екстра-лесното масло за домаќинството 35,5 денари за литар.

Се намалува и цената на мазутот и ќе се продава по 21,947 денар за килограм.

Просечната цена на суровата нафта изнесуваше 44,073 долари за барел, додека курсот на денарот во однос на доларот изнесуваше 55,9 денари.