Службата за односи со јавност на Општина Центар излезе со груби лаги и клевети против ВМРО-ДПМНЕ неосновано обвинувајќи ја партијата за наводно испрани 55 милиони, реагираат од партијата.
Во продолжение следува интегрален текст од реакцијата на ВМРО-ДПМНЕ
Со ваквите измислици и клевети намерно се нанесува штета на угледот на партијата и се дезинформира јавноста.
Веруваме дека нема да биде проблем одговорните во прес службата на Општина Центар да ја платат казната бидејќи сме убедени дека клеветите со кои ја дезинформираат јавноста, ги испраќаат по наредба на нивниот претпоставен за кого јавноста можеше да се увери дека е прилично добро финансиски ситуиран и дека голем дел од своето време го минува на скапи дестинации надвор од Република Македонија, наместо да ја врши функцијата за која што беше избран од страна на граѓаните.
