Новата генерација на “Echo Plus” звучниците од Амазон покрај за слушање музика има можност и за конекција со останатите паметни уреди во домаќинството и контрола над нив.
“Echo Plus” на прв поглед потсетува на првиот “Echo” звучник кој што беше претставен од „Амазон“ пред три години. Меѓутоа, со помош на “ZigBee” опцијата, новиот “Echo Plus” има можност за контрола над другите уреди како на пример светлата, ролетните, бравите и слично.
Кога е во прашање надворешниот изглед, “Echo Plus” е поширок и полесен од неговиот претходник. Достапен е во црна, сива и металик сребрена боја. „Амазон“ кај новиот звучник го унапреди и квалитетот на звукот, а овој паметен звучник ќе се продава по цена од околу 150 долари.
Исто така, унапреден е и виртуелниот асистент “Alexa” кој што е инсталиран на “Echo Plus” и истиот може да препознае каде се другите уреди позиционирани во однос на моменталната положба на корисникот.
“Echo Plus” може да креира секојдневни сценарија и рутини. Така на пример, секогаш кога ќе изговорите „добро утро“, новиот “Echo Plus” веднаш ќе ги подигне ролетните и истовремено ќе го вклучи шпоретот, а може и да ја пушти вашата омилена песна.
