Ситуацијата на струшкото крајбрежје во моментов е доста сложена, јавува Алсат телевизија.
-Поплавен е поголем дел од машка плажа, дел од паркот, импровизираното пристаниште и шеталиштето крај устието. Се поплавија просториите на ЕК Снегар но со навремената акција на едриличарите и Пожарната единица од Струга, состојбата се врати под контрола, објави телевизијата.
Со голема пожртвуваност на струшките едриличари и загрижени граѓани, беа спасени 2 чамци, една едрилица и еден глисер. За жал, еден чамец е целосно потопен и срушен во браната.