ПРЕМИЕРОТ ДИМИТРИЕВ СЕ ВКЛУЧИ ВО АКЦИЈАТА,,ДЕН НА ДРВОТО“:Од идната година ќе засадуваат по пет милиони дрвца

Поврзано

- Advertisement -
- Advertisement -

По пет милиони дрвца ќе се засадуваат секоја година преку традиционалната манифестација „Ден на дрвото“ и Програмата за проширена репродукција на шумите, рече денеска премиерот Емил Димитриев кој, во рамки на 17. Акција „Ден на дрвото –  засади ја својата иднина“ посади дрвце во градинката „Ѕвездичка“ во Кочани.

emil

Предвидените пет милиони дрвца од кои добар дел се очекува да се зафатат, ќе бидат сведоци, нагласи Димитриев, за грижата на државата кон животната средина.

– Со ова ја промовираме нашата одговорност за заштитата на животната средина и сметаме дека на правилен начин обезбедуваме здрава околина за живеење, подвлече премиерот.

Од 2008 година, кога почна акцијата „Ден на дрвото“, досега се пошумени 13 илјади хектари со 35 милиони садници, а годинава, како што напомена Димитриев, пошумени ќе бидат 503 хектари со 2,6 милиони дрвца.

– Седумнаесетти пат ја продолжуваме традицијата со која делуваме во насока на уште поголемо подигнување на јавната свест за потребата од пошумување, потенцира Димитриев.

Дрвце во дворот на градинката „Ѕвездичка“ засади и градоначалникот на Кочани Ратко Димитровски кој информираше дека акцијата во ова подрачје денеска нема да биде масовна поради снежните врнежи вчера и во текот на ноќта, но ќе продолжи и ќе биде спроведена во целост.

– Во Кочани ќе бидат пошумени 17 хектари главно со зимзелени дрвца, смрека и ела. Ќе се сади во паркот на улицата „1 Мај“ и покрај болницата, а ќе се променат и сите дрвца кои беа оштетени од несовесните сограѓани, истакна Димитровски.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This