ПРЕМИЕРОТ И ПРЕТСЕДАТЕЛОТ ВО СОБОРНИОТ ХРАМ: Емил Димитриев и Ѓорѓе Иванов на Божикна литургија во Соборниот храм!

Поврзано

- Advertisement -
- Advertisement -

Во Соборниот храм „Св.Климент Охридски“ во Скопје денеска по повод големиот празник Рождество Христово – Божиќ се одржа Архиерејска Златоуста литургија со која чиноначалствуваше поглаварот на Македонската православна црква – Охридска архиепископија, г.г. Стефан.
emil_bozik

На литургијата присуствуваа претседателот на Република Македонија, Ѓорге Иванов и претседателот на Владата за спроведување на изборите Емил Димитриев.

По завршувањето на литургијата Иванов и Димитриев на граѓаните со православна вероисповед им го честитаа Божик и им посакаа здравје, радост и среќа.

– Сакам да им го честитам овој голем празник на сите граѓани на Република Македонија кои го слават Христовото раѓање – Божик и да им посакам многу здравје, радост и среќа. Посакувам сето она што го имаме овие денови, сета радост, сета добрина и убавина да не следи во текот на целата година. Посакувам да ја споделуваме радоста и да се чувствуваме добри и да го славиме животот. Христос се роди навистина се роди, истакна претседателот Иванов.

Во семејството Иванови на бадниковата вечер паричката се паднала кај синот Иван.

Димитриев им го честиташе Божик на сите православни христијани кои го празнуваат, како што рече, овој пресветол празник од нашата историја.
liturgija

– Нека Исусовото дело кое што го празнуваме деновиве биде пример и поука за сите нас дека со разум, со позитивна енергија и мисла се надминуваат и најголемите предизвици. Така и ние денеска живееме во едно исклучително турбулентно време на општествен и политички план, меѓутоа се надевам дека кај сите фактори и сите чинители ќе надвладее разумот, ќе надвладеат пораките кои деновиве ги слушаме од храмовите на нашата Македонска православна црква и дека Република Македонија, македонскиот народ оваа година ќе живеат многу порелаксирано во една попопозитивна атмосфера споредено со годината која ја напуштивме, додаде Димитриев.

Претседателот на Иванов одговарајќи на новинарско прашање кога и на која партија ќе и го додели мандатот за формирање Влада со оглед на тоа што тече рокот, рече дека ќе се постапи како што е наведено во Уставот.
liturgija2

Димитриев одговарајќи на новинарско прашање за тоа дали очекува да биде запазен крајниот рок за доделување на мандатот, рече дека очекува дека целата процедура да биде во утврдените рокови согласно законите.

На прашање дали очекува проблеми со оглед на тоа дали воопшто ќе може да се направи коалиција, истакна дека досега немало никакви проблеми ниту во делот на спроведувањето на изборите, ниту во делот на конституирањето на Собранието.

– Очекувам да помине се во најдобар и најнормален редослед бидејќи народот го очекува тоа да се формира Влада и полека да се концентрираме на реалните приоритети, посочи Димитриев.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This