Градоначалникот на општина Пробиштип Тони Тоневски, на денешната комисија за труд и социјална политика, истакна дека помалите населени места ќе имаат проблеми со примањето на мигрантите.
Тој потенцираше дека општина Пробиштип веќе со има проблем со вработувања на жителите, а со примањето на мигрантите ќе треба да се вработат луѓе кои треба да се интегрираат во општеството.
Градоначалникот посочи дека со претходната влада имаат постигнато договор за изградба на зграда со 47 стана, за социјални случаи и праша како ќе се решат проблемите на овие луѓе ако дојдат мигранти.
Тој во името на граѓаните од општината потенцира дека не може да ја поддржат оваа стратегија.