По неуспешниот проект Контравести коj го водеше Ирена Ристиќ вреден половина милион евра кој требаше да биде ударна палка на СДСМ која со сатирични прилози ќе го исмева ВМРО-ДПМНЕ, следуваше сатиричната емисијата на Телма Вчерашни Новости.
Како награда за добро сработените порачани прилози на Телма водителката Јована која беше дел од екипата на Вчерашни Новости стана дел од Пи- Ар службата на Министерството за финансии.
Љупчо Бубо Каров пак стана дел од тимот на Роберт Поповски Министерот без ресор, задолжен за комуникации, отчетност и транспарентност. Тој наводно поради неговото искуствово со односи со јавност и комуникации како надворешен советник би придонел во Пи-Ар-от на владата на СДСМ.
Единствено нешто кое ги поврзува овие луѓе е нивното плукање по владата на ВМРО-ДПМНЕ изминативе 11 години. СДСМ во предизборието зборуваше за превработеност во администрацијата а сега од позиција на власт ги вработува сите свои партиски послушници и луѓе кои им останаа лојални изминативе 11 години. Oчигледно од расплетот на настаните е дека порачаните прилози и изјави на експерти и комичари изминативе години ќе им се исплатат на новите ,,државни’’ (партиски) службеници.