Новата учебна година не почна еднакво за сите ученици во Република Македонија.
Поминаа два месеци од почеток на школската година, а недостасуваат речиси 40.000 учебници низ цела држава, во скоро сите основни училишта.
Додека голем број на ученици немаат од што да учат и се оставени да се снаоѓаат како знаат и умеат, од Владата и Министерството за образование и наука немаат одговор за овој скандалозен пропуст или било каква реакција.
ВМРО-ДПМНЕ пред речиси еден месец ги повика надлежните институции да одговорат „Зошто е ваква катастрофална ситуацијата во образованието“, но повратен одговор од МОН не се доби.
Од друга страна, СДСМ секој ден се повеќе покажува дека не се грижи за децата и нивната иднина. Тие во својата програма ветуваа подобри услови за учениците, а се што направија во делот на образованието беше укинување на капитални објекти градинки и училишта. Исто така сите проекти кои се наменети за подобрување на образованието, а беа предвидени од владата на ВМРО-ДПМНЕ, од страна на СДСМ сега се скратени или блокирани.
Ваквото однесување е недозволиво зошто наближува полугодието, а учениците нема од што да учат. Тие треба да следат настава, додека од друга страна тие деца треба да бидат испитани, а нема од каде да читаат и да го подготвуваат материјалот.
Учениците и родителите се загрижени, наставниците и професорите не знаат како да постапат, а Владата сериозно си поигрува со иднината на учениците.
