Скопје не мрднува од листата на 10 најзагадени градови во светот. Мерките на градоначалникот на Град Скопје Петре Шилегов и СДСМ не носат никаков ефект, а високиот степен на загадување на воздухот го зголеми бројот на пациентите низ болниците кои се жалат на проблеми со дишењето.
Алармантна е ситуацијата во главниот град во државата. Иако властите рекоа дека стапија на сила мерките против загадувањето, Скопје не мрднува од листата на најзагадени градови, скопјани и понатаму се гушат во енормно загадениот воздух.
Податоците од мерните станици на квалитет на воздухот во Скопје веќе неколку денови со ред покажуваат дека измерените концентрации на опасните честички повеќе пати го надминуваат дозволениот максимум.
Владата на СДСМ и градоначалникот на Скопје Шилегов се уште немаат идеја како да се справат со загадувањето иако пред изборите манипулираа со граѓаните дека ако ја преземат власта ќе спроведат итни мерки за намалување на загадувањето. Граѓаните се чувствуваат излажани и се разочарани дека и покрај ветувањата за итни мерки и чист воздух, се уште нема ништо спроведено за решавање на проблемот со загадениот воздух.
