Социјалните мрежи вријат од статуси и коментари, членови и симпатизери на СДСМ го искажуваат своето незадоволство од одлуките на нивниот партиски лидер Зоран Заев за распарчување и пропаст на Македонија.
-Нема да ви помине, во голема каша сте, ќе видите што е гнев на народот, дали сте нормални, се само дел од коментарите на социјалните мрежи со кои се симпатизерите и членовите на СДСМ го искажуваат незадоволството од одлуките и договорот на СДСМ и Заев со ДУИ, како и прифаќањето на барањата од Платформата на албанските партии со кои ќе се смени знамето, химната, грбот, парите на Македонија, ќе се воведе двојазичност, а и ќе се казнува за неупотребата на албанскиот јазик.
-Дедо ми ќе го клеветеле оти бил партизан, па партизаните ја ослободија Македонија, без мозок сте, стои во еден од статусите на социјалните мрежи.
-Ало раководство на СДСМ дали сте свесни дека нема да ви помине ова кај народот? Сами се втурнувате во поголема каша, пишува на ФБ.
-Добро бе, нормални ли сте? За кој геноцид ќе се извинувате бе будали белосветски? Се имаат ли извинето за балистите, арнаутите или УЧК? Е затоа ќе видите што е гнев на народот, пишува во друг статус.
-Ние од СДСМ се прикажувавме како државнотворна партија, како наследници на партизаните. Сега сме спремни дури и да ја продадеме државата и за тоа да ги ибвиниме партизаните само за да му удоволиме на криминалецот Ахмети. Мислите дека ова ќе помине меѓу народот? Мора да сте луди ако го мислите тоа…, стои во еден од статусите.
-Вчера марширавме со борците, денес ќе ги обвиниме за геноцид?, пишува еден корисник на Фејсбук кој во коментар објаснува дека ако треба ќе биде и против партијата, бидејќи со сè се претерало.
