Би бил најзадоволен кога од Русите би ги добиле системите „Панцир“ и „Бук-М2“, пред се затоа што „Бук-М2“ е компатибилен со нашиот систем „Куб“, со што би имале солиден ПВО на одреден, среден дострел. Системот С-300 во постарите верзии веќе не се произведува, но ако би бирале некој нови, препораката е С-2500, вели Мирослав Лазански коментирајќи набавката на противракетни и противвоздушни системи на Србија
Српскиот претседател минатата недела најави и разговори за купување на нови „мигови“ и системи ПВО од Белорусија. Планот е Србија во наредните две годин да ја врати ескадрилата која ќе има најмалку 14 ловци, но ќе издвои и сериозни средства за заштита на небото и од земја.
Медиумите шпекулираат дека Србија ќе пазари еден од најефикасните и најпознати системи, С-300. Воениот коментатор за „Политика“ и соработник на „Спутник“ Мирослав Лазански потсетува дека варијантите на тој систем го поседуваат Бугарија и Грција и дека набавката би морала да биде помодерна од она што веќе постои во окружувањето кај членките на НАТО.
Би бил најзадоволен кога од Русите би ги добиле системите „Панцир“ и „Бук-М2“, пред се затоа што „Бук-М2“ е компатибилен со нашиот систем „Куб“, со што би имале солиден ПВО на одреден, среден дострел. Системот С-300 во постарите верзии веќе не се произведува, но ако би бирале некој нови, препораката е С-2500. Тој е подобар од С-300, можеби и во рангот на С-400, но не сум сигурен дека Русите бе сакале тоа да ни го продадат, освен тоа не е ефтина играчка“, вели Лазански.
„Ако купите било која верзија С-300 треба да имате најмалку една дивизија, а тоа се три батерии. Три батерии се три пати по шест возила, тоа е осумнаесет возила. На секое возило имате четири лансирни рампи, тоа помножете го со бројот на ракети, и на сето тоа додадете дополнителен борбен комплет ракети, пратечки возила за логистика, аквизициски и нишански радар. Кога ќе соберете, тоа е убава количина на долари или евра, не е тоа ефтино. Ако купувате само еден дивизион, тоа е малку“, објаснува воениот аналитичар, додавајќи дека војската на Србија има добра проценка и ќе ја направи најдобрата одлука за набавка.
„Не е проблем да се премина од летање во МИ-8 на МИ-17, тоа е многу краток процес, пилотите тоа го знаат. МИ-17 веројатно во моментот е најдобриот транспортен хеликоптер во светот, но е и поефтин од западната конкуренција. Кога би преминале на западен тип хеликоптери, тоа би чинело многу, во доменот на транспортни хеликоптери, не зборувам за хеликоптерите Х-145 кои ќе го купиме од европскиот конзорциум за производство на хеликоптери, но кога би купувале транспортни би чинеле многу повеќе. Ова е најдобрата можна комбинација“, вели Лазански.
