Во само три минути, заменик-министерот за економија Христијан Делев ги декласираше лагите пласирани во јавноста од страна на СДС и нивните полтронски медиуми финансирани од Сорос и УСАИД
Како што информираше заменик-министерот, во Македонија не постои никаков скриен долг или долг кој не е јавно објавен. Напротив, сите обврски кои Македонија ги има се јавно објавени на веб сајтот на Министерството и се достапни за секого. Она со што се манипулира е само шпекулација која нема никаква основа. Според Делев, Македонија е ниско до средно задолжена држава, со стабилен економски раст.
– Ако во 2006 сме имале 2.600 БДП, сега БДП изнесува околу 4.759 евра (по глава на жител) што е скоро два пати зголемен БДП за 10 години што е нешто за поздравување. Така да, со тие бројки со кои се манипулира треба да се проверат и да се видат. Не е тајна долгот на Р.Македонија, тој е на страната на Министертвото за финансии, сите тие бројки се достапни и секој може да ги провери – вели Делев.
– Не е точно дека Македонија е заложник на една партија, Македонија е заложник на опозицијата и на целиот тој процес во последните две ипол години, не е тоа од сега. Дека економијата во Македонијае жилава и во тој период има одреден раст тоа го покажуваат сите податоци. Ако минатата година сме имале рекорден број на инвестиции тоа кажува дека нешто позитивно се случува и имаме добра политика која ја нудиме и за странските и домашните инвеститори – истакна Делев и додава – Ако сме наследиле над 37% невработеност во државата во 2005-2006 година, таа бројка сега е под 23%, што е исто за поздравување. И не е само тој индикатор. Индикаторот за креирани нови работни места, покажува дека во изминатиот период покажува дека се креирани 150-160.000 работни места, што исто така е еден многу позитивен индикатор.
