Народно движење за Македонија, политичка партија предводена од Јанко Бачев, предлага отфлање на сеалбанската платформа за редефинирање на Македонија и повлекување на предлогот Талат Џафери да биде собраниски претседател. Џафери, според УБК при МВР е вмешан во заседата кај Вејце каде ѕверски беа убиени осуммина македонски бранители во еден од најкрвавите и најбрутални масакри во поновата македонска историја, соопшти НДМ.
„НДМ и народот се длабоко убедени дека прифаќањето на овие предлози се најдоброто решение за излез од собраниската криза и нормалното продолжување со работа од страна на народните пратеници во Собранието. Затоа предлагаме сите политички партии да ја отфрлат сеалбанската платформа за рушење на Македонија и Македонците, а дваесетината пратеници на СДСМ да го преиначат предлогот Талат Џафери да биде избран за собраниски претседател со друга личност со реноме и без лошо минато спрема Македонија и Македонците и крајна лојалност спрема државата“, соопшти НДМ.
