Фејсбук пушти алатка за препознавање на лажни вести

- Advertisement -

Фејсбук пушти алатка која им помага на корисниците да ги препознаваат лажните вести и лажните информации во социјалната мрежа, јави Асошиејтед прес.

Иновацијата е во форма на порака која ќе се појавува над делот за вести на страната на корисникот на Фејсбук во текот на неколку дена. Кога ќе се кликне на оваа порака, таа го води корисникот до совети и информации како да бидат забележани лажните вести и што да се прави со нив.

Меѓу советите е и препораката да се гледа внимателно адресата на сајтот, за да се види дали тој не ја имитира адресата на познати новински сајтови.

Алатката ќе биде пуштена во 14 земји, вклучувајќи и во САД.