Неколку дена пред официјално поднесување на кандидатските листи до Државната изборна комисија, партиите ги завршуваат внатре партиските рокади. Неофицијално, се смета дека Стево Пендаровски, пратеникот од редовите на владејачката СДСМ и поранешен претседателски кандидат, ќе се кандидира за градоначалник на Скопје. Негов противник на локалните избори се смета дека ќе биде Коце Трајановски, со два мандати зад себе како прв човек на главниот град – пренесува ТВ21
Претходно, извори во СДС за провладиниот портал Плусинфо лиферуваа информации дека кандидат за градоначалник на Скопје ќе биде Петре Шилегов.
Дали се работи за уште една рокада во партијата која ќе предизвика судири во партијата и помеѓу членството по примерот на Струмица, Ресен и Карпош каде што повеќемина беа извисени откако им беше ветено дека ќе бидат кандидати за градоначалници, останува да видиме.
