Генералниот Секретар на НАТО во телевизиски интервју говореше за ратификацијата на договорот за промена на името во македонското собрание. Тој како и поголемиот дел од европските бирократи го поздрави чинот и иако Македонија се уште официјално го нема променето Уставот ја нарече државата North Makedonija, оставајќи го зборчето Македонија без превод.
По ваквиот чин реално се јавува стравувањето кое произлегува од договорот, дали името Македонија во меѓународна употреба нема да има соодветен превод на англиски јазик?
Меѓу другото со своите изјави претставниците на НАТО и ЕУ директно се мешаат во внатрешните работи на Македонија и се обидуваат директно да влијаат на гласачите и исходот од референдумот за промена на името на државата. Токму денес Советот на Европа најави дека ќе го мониторира референдумот за промена на името. Можете да замислите колку тие нема да бидат пристрасни во нивното ,,мониторирање’’ кога токму од исходот на референдумот ќе зависи членството во ЕУ и НАТО.
