Актерот Симонов добитник на престижната награда „Ристо Шишков“

Жири-комисијата на 31. Меѓународниот фестивал на камерен театар „Ристо Шишков” во состав: Дарја Ризова, претседател, Мими Таневска и Иван Додовски, членови, едногласно ја доделија престижната награда за највисоко актерско остварување „Ристо Шишков” на актерот Јордан Симонов за улогата на Павле во претставата „Лагата” од Флоријан Зелер, во режија на Бесфорт Идризи, а во продукција на Македонскиот народен театар од Скопје.
Како што истакна жири-комисијата, Јордан Симонов, со внимателно избрани актерски средства, успева да оствари моќна и осмислена улога. Тој покажува особено чувство за партнерска игра и вешто го води ликот, кој во себе крие тајни, од привидна наивност до длабока перфидност. Со својата способност за трансформација, Јордан Симонов доминира на сцената, субверзивно поигрувајќи си со очекувањата на публиката, на работ меѓу комичното и неверојатното, меѓу лагата и вистината.
Уште еден во низата на актери од ансамблот на Македонскиот народен театар ја пишува историјата на овој престижен фестивал.
ПОВРЗАНИ ВЕСТИ
Конкурсите за поддршка на проекти од културата…
Министерството за култура и туризам утре ќе…
Албанија ќе ги награди со по 50…
Албанската влада одлучи парично да ги награди…
Награда од три милиони денари за младите…
Владата на денешната седница донесе одлука на…
Јордан го затвора воздушниот простор за сите…
Јордан привремено го затвора својот воздушен простор…
Тони Михајловски ја добити актерската наградата за…
Актерот Тони Михајловски е добитник на актерската…