Американците се пожалија: Русите не ни креваат телефон, нема интерес

Секретарот за одбрана Лојд Остин се обиде да стапи во контакт со неговиот руски колега Сергеј Шојгу пред помалку од една недела, но безуспешно, пренесува РИА Новости.

Портпаролот на Пентагон Џон Кирби потврди дека имало обиди за контакт.

„Не знам кога беше последниот обид. Неодамна, мислам. Пред неполна недела. Повторно, немаше интерес од Русите“, рече тој на брифинг со новинарите.

Раководството на Пентагон вели дека од почетокот на руската воена специјална операција во Украина се обидуваат да „пробијат“ до нивните руски колеги – Шојгу и началникот на Генералштабот на Руската Федерација Валери Герасимов, но секој пат без успех, пренесува Новости.

Да потсетиме, американските медиуми претходно пишуваа дека американската страна се обидела да стапи во контакт со руската страна, но тие наводно воопшто не се јавувале на телефон.

Share on Facebook

Tweet

Follow us

Save