Арсовска: Пожарот во фабриката Треска според првичните индиции е подметнат

t

Градоначалничката на Град Скопје, Данела Арсовска во својата изјава пред фабриката Треска каде попладнево се случи голем пожар откриј детали за можните причини за пожарот.

Арсовска потенцираше дека во моментот пожарот е локализиран и се заблагодари на како што вели фантастичната реакција на пожарникарите кои спречија натамошна материјална штета, но спречија и загрозување на здравјето и животот на граѓаните.


Градоначалничката на Град Скопје истакна дека најверојатно се работи за подметнат пожар бидејќи не станува збор за изолиран случај, а на тој потег и во минатото бил подметнуван пожар.

Таа напомена и дека дел од соседите биле сведоци на овие подметнувања, а и денес забележале сомнителни лица во тој правец моменти пред да избие пожарот.

Арсовска апелираше до органите на прогонот час поскоро да се разреши случајот и да не се дозволи никој да го загрозува здравјето и животот на граѓаните на Скопје.

-Сакам да ве известам дека пожарот е локализиран. Можам дека имаше фантастична реакција на нашата противпожарна бригада, на бригадата на Град Скопје. Изминатите два часа сме тука. Од индициите кои што ги имаме, најверојатно се работи за пожар кој е отпочнат од лице кое што го подметнале. Информацијата ја потврдија и луѓето кои живеат на овој потег. Искрено се надевам дека институциите ќе сторат се што е во нивна надлежност да се превземат мерки, ниту тука луѓето, ниту граѓаните да бидат во опасност. Она кое што го добивме како информација е дека во повеќе наврати се случува на овој потег пожар и јас сакам да верувам дека ќе се разреши оваа ситуација тука. Меѓутоа пред се не смее да се загрозува здравјето и животот на граѓаните од некој кој што е неодговорен и кој што превзема постапки на штета на градот и на граѓаните, вели Арсовска.

ЗА ПРЕВЗЕМАЊЕ НА ФОТОГРАФИЈА БЕЗ ПРЕТХОДНА ДОЗВОЛА ОД ИНФОМАКС, СЛЕДИ ФАКТУРА ОД 30.000 ДЕНАРИ + 18% ДДВ.

ПОВРЗАНИ ВЕСТИ

Додека Шверцери славеле титула, Комити им го…

Бурен навивачки викенд имаше изминатиов викенд во…

Нова закана од Москва: Шведска и Финска…

Рускиот заменик-министер за надворешни работи Сергеј Рјабков…

Конечно се докажа дека се мести Евровизија:…

Викендов се одржа 66. Избор за песна…

Маричиќ денеска ќе учествува на седмиот годишен…

Заменик претседателот на Владата ќе биде говорник…

(Видео) Хаос во Иран: Убиени се 5…

Според извештаите на медиумите, пет лица загинаа…