Арсовска по повод Светскиот ден за подигање на свеста за лицата со аутизам: Да им подадеме рака, да ги охрабриме со насмевка и со поддршка, да им покажеме почит и разбирање секој ден

Градоначалничката на Град Скопје, Данела Арсовска, на нејзиниот Фејсбук профил упати апел за подигање на свеста за лицата со аутизам.

“Светскиот ден за подигање на свеста за аутизмот се одбележува секоја година на 2 април. Истражувањата укажуваат дека кај 1 на 100 лица е детектирано нарушување на аутистичниот спектар.

Тие треба да бидат прифатени и ценети за својата различност, да се подигне свеста и да се нагласи потребата да се подобри квалитетот на животот на овие лица.

Затоа со разнобојност се одбележува Светскиот ден за подигање на свеста за аутизмот, да потсети на единственоста на секое лице со аутизам. Наша задача е да им подадеме рака, да ги охрабриме со насмевка и со поддршка, да им покажеме почит и разбирање секој ден.” – напиша Арсовска.

Линк до Фејсбук статусот: https://www.facebook.com/103786094706664/posts/522446622840607/?d=n

Share on Facebook

Tweet

Follow us

Save