Објавено на:

Бајден- Членот 5 на НАТО е „свет“

t

Полскиот претседател Анджеј Дуда го пречека денеска американскиот претседател Џо Бајден во претседателската палата во Варшава на разговори за руската инвазија на Украина. Американскиот државен секретар Ентони Блинкен и министерот за одбрана Лојд Остин му се придружија на Бајден во претседателската палата. Во полската делегација беа министерот за надворешни работи Збигњев Рау и министерот за одбрана Мариуш Блашчак.

Претходно, Бајден присуствуваше на церемонијата на прием во главниот град, каде што беше пречекан од воен бенд кој ги свиреше националните химни на САД и Полска.

Бајден претходно накратко се сретна со украинскиот министер за надворешни работи Дмитро Кулеба и министерот за одбрана Олексеј Ресников. Детали од средбата засега не се објавени.

Пред почетокот на билатералните разговори Бајден изјави дека членот 5 на НАТО е „свет“, мислејќи на клаузулата за заемна одбрана на алијансата, која бара од сите членки да помогнат на кој било друг член на Алијансата доколку е нападнат .

Бајден, денеска треба да одржи говор во Варшава во кој ќе се осврне на војната во Украина.

Распоредот на Бајден вклучува и посета на Националниот стадион со полскиот премиер Матеуш Моравјецки и градоначалникот на Варшава Рафал Трзашковски, каде што ќе ја набљудува регистрацијата на украинските бегалци и напорите за помош што се прават за нивна поддршка.

Речиси 2,27 милиони бегалци од Украина влегле во Полска од почетокот на руската инвазија пред околу еден месец, објави граничната полиција на Твитер на 26 март.

ПОВРЗАНИ ВЕСТИ

Апасиев: Ој бе, легнете си со жените:…

Нов статус на пратеникот и лидер на…

(Фото) Путин потпиша декрети за признавање на…

Путин потпиша декрети за признавање на окупираните…

Бајден: Иан можно е да биде најсмртоносниот…

Тој рече дека бројките се уште не…

Гутереш: Нема место за анексии во современиот…

Рускиот претседател Владимир Путин утре ќе иницира…

(Видео) Автомобил се движи ,,рикверц” на патот…

На Фејсбук страницата на Гласот на Америка…