Без никаква најава поскапе меѓуградскиот превоз

t

Поскапе меѓуградскиот превоз. Од денеска патниците плаќаат од 15 до 20% повисока цена, зависно од превозникот. Како причини за зголемувањето се наведуваат повисоките цени на горивата, резервните материјали, струјата и прогласувањето – недела неработен ден, каде според законот, треба да им исплатат повисоки дневници на вработените.

Секој превозник сам ја крои цената. Во моментов највисока е за Охрид, која со последното зголемување во еден правец се плаќа 680, додека повратна карта е 930 денари.

Гевгелија, со покачувањето од денеска, а билет за еден правец чини 520 денари, додека повратна карта 770 денари. Плус до Гевгелија има повеќе патарини. Но, секој превозник сам одлучува за цената. За поблиските релации, како за Куманово или Велес, цените се зголемени за 20,30 денари, изјави Масар Омерагиќ, превозник.

Граѓаните се изненадени. Без никаква најава, од денеска биле принудени да платат поскап билет.

За сега цената на меѓународниот превоз останува непроменета. Дали ќе има зголемување и за надвор од државата, ќе се знае до крајот на овој месец. Инаку превозниците неколку пати побарале помош од државата да им се намапалат патарините или да се откаже државата кај дел од акцизата, но за сега немаат добиено никаков одговор.

ПОВРЗАНИ ВЕСТИ

(Видео) Американски топ дипломат го уништи Христијан…

Заменикот на државниот секретар на САД, О'Брајан…

Ковачевски: ДПМНЕ го кочи европскиот пат на…

Одговорноста има име и презиме, тоа е…

Фич: Нафтата следната година може да порасне…

Конфликтот на Блискиот Исток се заканува дека…

Цигарите поскапеа за 10 денари, два месеци…

Дел од цигарите во Македонија веќе поскапеа…

Социјалните мрежи горат по вчерашното реми: Од…

Социјалните мрежи вријат откако Македонија вчера ѝ…