БЕРИША ЌЕ ПРОТЕСТИРА ПРЕД ВЛАДАТА НА РАМА: Ќе и докажеме на Европа дека домаќин на самитот е главата на медузата за криминал

Лидерот на фракцијата на албанската Демократска партија, Сали Бериша изјави дека утрешниот протест ќе се одржи на булеварот „Национални херои“ и покрај предупредувањата на полицијата.

-Опозиционерите со силен глас ќе и докажат на Европа и на светот дека тој што стои таму, како домаќин, не е ништо друго туку шефот на медузата за кражба на избори и криминал. Затоа, овој самит е исклучително посебен момент за протест, изјави синоќа Бериша за медиумите од партиското седиште.

Додаде дека повеќе од Еди Рама “сме заинтересирани за безбедноста на европското раководство и успехот на самитот”.

– Ние сме господари на градот во други зони. Ако полицијата е нарачана да се соочи со опозицијата го прави најпогрешното решение, нема битка што опозицијата не ја добива, порача Бериша.

Тој повтори дека протестот е за да се покаже реалноста за Албанија, која е земја на распаѓање, а не онаа за која зборува Рама.

-Вистината е таа, дека денес, Албанија е земја во распаѓање, од која повеќе граѓани заминаа за време на неговото владеење, отколку од Сирија, која доживува граѓанска војна. Албанија е богата земја, но Албанците денес се најсиромашни жители. Ова не е дека нема ресурси, туку дека нивните природни ресурси, нивните средства, нивниот буџет ги краде и само ги краде владата. Еди Рама денес ги има сите овластувања во свои раце. Тоа не е затоа што ги заслужи, туку затоа што го украде гласот и не ја почитува слободната волја на граѓаните, обвини тој.

Ние, како партија која го урна комунизмот и донесе плурализам, ги развивме европските вредности во оваа земја, наведува и додава дека ја внеле Албанија во НАТО, ги либерализирале визите и ја добиле препораката за статус на земја кандидат.

Самитот ЕУ-Западен Балкан почнува утре а во согласност со донесените безбедносни мерки од денес во 14 часот забрането е движење и на булеварот каде Бериша најавува протест. Полицијата му дозволи да одржи протест на плоштадот “Скендербег” што тој го одби.

Share on Facebook

Tweet

Follow us

Save