Борел се залага Кина да посредува во војната во Украина

Шефот на европската дипломатија, Жозеп Борел, се залага Кина да се вклучи во посредувањето во руската војна против Украина.
„Нема друга алтернатива. Ние Европејците не можеме да бидеме посредници, јасно е… Ниту САД тоа го можат. Па кој друг? Тоа мора да биде Кина, јас верувам во тоа“, рече Борел во интервју за шпанскиот весник „Ел Мундо“.
Борел, кој е Шпанец, меѓутоа призна дека завојуваните страни и нивните поддржувачи немаат цврсти планови за надворешното посредување од Кина.
„Ние не ги прашавме за тоа, а ниту Кинезите“, додаде тој.
Борел во интервјуто ја брани европската позиција на испорака на европско оружје во воената зона и за наметнување строги санкции кон Русија.
„Овие мерки се апсолутно неопходни“, рече тој, и покрај истовремените дипломатски напори за решавање на конфликтот.
„Испораките на оружје им овозможуваат на Украинците да се борат, да бидат во подобра позиција да преговараат и, ако е можно, да постигнат прекин на огнот“, изјави поранешниот шеф на шпанската дипломатија и поранешен претседател на Европскиот парламент.
„И после тоа, дипломатијата мора да ја игра својата улога, а тука Кина мора да има своја улога“, нагласи шефот на европската дипломатија во интервјуто за „Ел Мундо“
ПОВРЗАНИ ВЕСТИ
САД се подготвуваат да копаат литиум во…
Украинските власти ги презедоа првите чекори за…
Украина и Австрија ќе ја зајакнат соработката…
Министрите за надворешни работи на Украина и…
Путин и Ердоган го осудија нападот на…
Рускиот претседател Владимир Путин и турскиот лидер…
Путин и Трамп разговарале за конфликтот меѓу…
Рускиот претседател Владимир Путин разговарал по телефон…
Лавров разговараше со иранскиот колега: „Израел ја…
Рускиот министер за надворешни работи Сергеј Лавров…