INFOMAX.MK

Вардар го задеде првиот удар во ракометниот шампионат, но големиот инцидент што се случи кон средината на првото полувреме ја засени високата победа над „црвено-црните“ над предизвикувачот Еурофарм Пелистер.

Трибините беа полни како во времето кога Вардар играше во Лигата на шампионите, навивачи имаше од цела Македонија, но и од Босна и Херцеговина. Сведок на немилиот настан беше Ален Амиџиќ, кој од прва рака им го пренесе своето искуство на босанскиот медиум „SportSport.ba“.

„Минатата сезона кога играа овде во Скопје имаше и тепачка, само во помали размери. Лани Вардар ја освои титулата едвај пред Еурофарм Пелистер кој победи овде. Потоа на три кола пред крајот Вардар победи во Битола и ја освои лигата. а за тогаш за Пелистер играа Граџан и Периќ. На почетокот имаше добра атмосфера во салата. Капацитетот е над 6.000, а сите билети беа продадени. Натпреварот започна, а навивачите на Пелистер доцнеа петнаесетина минути и потоа влегоа. Кога влегоа започнаа немирите, се пукаа петарди и со факли се фрлаше кон домашните навивачи.

Само што влегоа на трибина почнаа да се однесуваат како хулигани. Сите дрогирани почнаа да ја тресат и да ја кршат оградата која беше поставена пред нив. Запалија факели и почнаа да фрлаат. Не знам што имале во нив, шишиња, камења… Фрлеа по домашните фанови, а беа далеку од „Комити“ (најжестоките навивачи на Вардар), па фрлаа по луѓе, жени и деца. „Комитите“ добро реагираа, штом видоа што се случува и дека луѓе се во опасност, истрчаа преку теренот до гостинските навивачи.

Нивните играчи побегнаа во соблекувалните, а вардарците ја смирија ситуацијата. Тоа траеше пет до десет минути. Навивачите на Вардар дојдоа под нив и фрлаа со сè и сешто. Пет минути се фрлаше со камења и други предмети сè додека не дојде полиција и не ги избрка навивачите на Вардар“, меѓу другото рече Босанецот.